Impasigurado manen ti Department of Education (DepEd) ti zero tolerance policy daytoy kontra kadagiti “pay-for-position” schemes.
Kinondernar pay ti Department of Education ti amin a kita ti kurapsion a pakairamanan dagiti appointment, promotion, ken designations iti uneg ti ahensia.
Iti statement, impaganetget ti Department of Education nga amin a garaw ti personnel ket nainget a nakabasar iti merit, fitness ken competence, a maitunos iti paglintegan ti civil service ken ti agdama a pagannurutan.
Kidkiddawen ti departamento kadagiti amin a manursuro, staff ken ti publiko nga ireportda a direkta iti Office of the Secretary, DepEd Central Office, ken dagiti ahensia a mangipapatungpal iti linteg a kas ti National Bureau of Investigation (NBI)ken ti Philippine National Police (PNP) ti aniaman a korapsion.
