BAGUIO CITY- Inwaragawag ni Vice President ken DepEd Secretary Sara Duterte a saan a nasken nga agsuot iti uniporme dagiti estudyante kadagiti parapubliko a pagadalan inton umay nga school year.
Sigun kenkuana, addang daytoy tapno maksayan ti rigat dagiti estudyante ken nagannak nangruna ta ngumatngato ti presyo dagiti gagatangen ken adda payen dagiti napukawan ti panggedan gapu iti COVID-19 pandemic.
Impaulog ti bise presidente ti DepEd order No. 065 series of 2010 a mangibilbilin iti saan nga istrikto a panagaramat ti school uniform tapno saan nga isupay a paggastosan dagiti nagannak.
Immunan a naiwaragawag a mangrugi ti school year 2022-2023 inton Agosto 22.
Sigun kenni Education Secretary Duterte, maiyaplikar ti face to face classes ken distance learning manipud Agosto agingga Oktobre bayat a maiyemplementar ti lima nga aldaw a face to face classes inton Nobyembre.
