Dumanon iti 1.7 Million a tattao ti naapektaran gapu iti epekto ti El Niño phenomenon, partikular iti Rehion 2 ken 3, Mimaropa 5, 6, 9, 12 ken iti Cordillera Administrative Region.
Sigun kenni Irene Dumlao, Spokesperson ken Assitant Secretary for Legislative Affairs ti Department of Welfare and Development, agtultuloy ti panangmonitor ken panangbantay ti nasao nga ahensia kadagiti pamilia a naapektaran iti El Niño, tapno maipaay kadagitoy ti kasapulan a tulong.
Innayon pay ni Dumlao a mangipapaayda ti family food packs ken financial assistance kadagiti pamilia a naapektaran iti El Niño, nu sadino P58 million a gatad ti family food packs ken financial assistance ti naipaay kadagiti apektado a lugar, partikular kadagiti mannalon ken mangngalap.
