--Ads--
Impetteng ti Department of Social Welfare and Development (DSWD) a nakaprepositioned itan dagiti 1.9 million a family food packs iti intero a pagilian kas paset ti panagsagana iti possible nga epekto ti bagyo nga Uwan.
Sigun kenni Department of Social Welfare and Development spokesperson Assistant Secretary Irene Dumlao nakasagana daytoy para iti dagus a panagresponde-da iti kanito a kasapulan.
Kinunana a manipud iti nasao a bilang 300,000 family food packs ti nakasagana kadagiti warehouses sadiay Region III no sadino 40,000 ti naka-stock sadiay Aurora Province.
Malaksid iti dayta, naideploy metlaeng ti mobile command centers, kitchens ken water filtration trucks dagitoy tapno maipasigurado ti panagresponde dagitoy.
