Inarestar dagiti otoridad ti uppat nga indibidwal idiay Guinobatan, Albay gapu iti iligal a panagilkoda iti produkto petrolyo.
Sigun iti report,naaktwan dagiti suspek nga aglaklako iti krudo iti baet nga awananda iti kaskenan a permiso tapno ipataray ti nasao a negosyo.
Karaman kadagiti naarestar ni Alyas Carlo nga isu ti agtagikwa iti nasao a negosyo kadwa dagiti empleyadona a pakairamanan ti maysa a kahera ken dua a pump attendants.
Naiturong dagiti suspek iti kustodiya ti Criminal Investigation and Detection Group Albay Provincial Field Unit para iti dokumentasyon ken umno a disposisyon.
Kabayatana,nakumpiskar met iti operasyon dagiti tallo a portable a micro fuel dispenser nga addaan iti dual calibrating pumps para iti diesel and gasoline a naglaon iti sag-500 a litro; maysa a tangke a naglaon iti 100 a litro;ken dagiti sales invoice nga addaan iti pakabuklan a balor a ₱2.32 million.
