--Ads--
Pimmusay dagiti agarup sangapulo nga indibidual bayat a tallo pulo ket lima ti nadangran kalpasan a naidungpar ti maysa a pickup truck idiay New Orleans, city, United States kabayatan ti panangselebrar iti baro a tawen.
Ti nasao nga insidente ket napasamak idi parbangon idi kalman iti Canal ken Bourbon Streets bayat ti New Year’s celebrations.
Maibasar iti inisyal nga imbistigasyon ti panag-atake ti nasao a lugan ket mapapati a terrorismo.
Pinadas met ti driver a tumakas ngem pimmusay metlaeng daytoy kalpasan ti naidungpar.
Nupay kasta, saan paylaeng a nabigbig ti pakabigbigan daytoy.
Iti agdama, manarimaan paylaeng ti kanayunan nga imbestigasyon tapno maamuan ti motibo ti driver.
