100% a partisipasyon ti Baguio City iti obserbasyon ti Earth Hour, manamnama
BAGUIO CITY- Panggep ti Baguo City a magun-od ti siento porsiento a partisipasyon iti obserbasyon ti Earth Hour intun Marso 26 iti oras ti 8:30 ti rabii.
Guyguyuguyen ti mayor ti sudad dagiti residente ken negosiante a makipaset babaen ti panag-iddep ti silaw, appliances wenno obserbasyon ti energy conservation measures iti uneg ti maysa nga oras kas panagresponde iti apela ti sangalubongan a maaksionan ti krisis iti aglawlaw.
Siguden a makipaspaset ken supsuportaran ti lokal a gobierno ti siudad ti “global lights out” babaen ti pannakaipatungpal ti programa ken panag-iddep ti silaw kadagiti saan unay a napateg nga silaw iti parapubliko a lugar.
Inyunay-unay met ni Earth Hour Pilipinas National Director Atty. Angela Consuelo Ibay ti panagrugi ti simbolo a pannakaiddep dagiti silaw sipod 2007 agingga a nagbalin daytoy a tinawen a misyon tapnu maipakammo ti kinapateg ti aglawlaw. cd
