Naipasidong iti state of calamity dagiti 106 a siudad ken munisipyo iti pagilian gapu iti manamnama nga El Niño.
Sigun iti National Disaster Risk Reduction and Management Council (NDRRMC), posible a maapektaran ti agarup 388,000 nga inbidual.
Maibasar iti kaudian a report ti ahensiya, dumanon iti 66 a lugar sadiay Cagayan ti naipasidong iti state of calamity, pakairamanan dagiti 23 a rehiyom sadiay Caraga, 12 a rehiyon sadiay Bicol, uppat sadiay Calabarzon ken maysa sadiay Soccskargen.
Sigun iti NDRRMC, posible a maapektaran ti 388,375 nga indibidual wenno 104,149 a pamilya.
Kabayatanna, manamnama a mangipaay ti gobierno iti agarup P39.58 Million a tulong kadagiti pamilya a kualipikado ken agkasapulan iti ayuda.
Maipalagip nga immuna a kinuna ti Philippine Atmospheric, Geophysical and Astronomical Services Administration (Pagasa) a posible a kumaru ti El Niño iti nagbaetan ti Setyembre ken Disyembre agingga iti first half ti 2027
