BAGUIO CITY – Nakemmeg ti 11 a drug personalities, pakairaman ti maysa a top drug personality ken dua a high value individuals iti nasisina nga operasyon dagiti otoridad ditoy rehion Cordillera.
Karaman kadagiti nakemmeg ti top drug personality iti Cordillera a nabigbig a ni Dinky Joy Bumal-o Tabora, 37-anyos a residente ti Quezon Hill, Baguio City ken ti high value individual a nabigbig a ni Michael Beniasan Uyaan, 31-anyos a residente Purok 19, San Carlos Heights, Baguio City.
Nakemmeg dagitoy sadiay Daraoan, Pucay Road, Central Guisad, Baguio City ken nakumpiskar kadakuada ti 10 a pakete ti maatap a shabu ken ti lugan a naaramat iti transaksion.
Kabayatana, nakemmeg ti maysa pay a high value individual a nabigbig a ni Elmerante Alfonso Barlis, 51-anyos, driver ken residente ti Puguis, La Trinidad, Benguet kalpasan nga inlakona ti dua a pakete ti maatap a shabu iti operatiba a nagpammarang a pusher-buyer.
Nakemmeg met ti innem a drug pushers iti nagsisina nga operasion dagiti otoridad sadiay probinsia ti Benguet, Abra ken Kalinga.
Nabigbig dagitoy a da Jomel Baydon Wacnang; Christian Kenneth Blaza Bobias; Jandel Galiste Lapuz; Reynaldo Sacla Aquino; Jeremiah Pasnadan Turaray; Bryan Aligayen Manuel.
Sumangsango metten dagiti nakemmeg nga indibidual iti kaso a panaglabsing iti RA 9165 wenno ti Comprehensive Dangerous Drugs Act of 2002.
