BAGUIO CITY – Naipasdek ti 1,100 barangay isolation units iti probinsia ti Kalinga.
Sigun kenni District Representative Allen Jesse Mangaoang, maaramat dagiti isolation units para kadagiti residente ti Kalinga nga agsubli iti probinsia.
Kinunana a maipasidong dagiti agsubli a residente iti quarantine iti 14 nga aldaw kagiddan ti pannakaipatungpal ti general community quarantine(GCQ) manipud ita nga aldaw.
Impetteng ti kongresista a masapul a maituloy ti kina-alerto dagiti otoridad uray GCQ laengen ti maipatungpal sadiay Kalinga.
Kiniddaw met ni Governor Ferdinand Tubban ti pannaki-koordinar dagiti residente nga agsubsubli sadiay Kalinga kadagiti mayors dagitoy para iti panagawidda.
Sigun kenni Rizal Mayor Karl Baac, arigna siento porsienton ti nalpas iti panagsagana dagitoy iti pannakaipasdek dagiti isolation units para kadagiti residente nga agsubli sadiay Rizal, Kalinga.
Kinuna met ni Balbalan Mayor Eric Gonayon a naipasek iti ilida ti 535 isolation rooms para kadagiti agawid a residente.
Impeksa met laeng ti dadduma pay a mayor sadiay Kalinga ti kinasagana dagitoy a mangawat kadagiti agawid a residente iti masakupanda a lugar.
