--Ads--
Nagbakwiten dagiti otoridad sadiay Nepal dagiti residente kadagiti lugar a pasible a malayus gapu iti flash flood nga intunda ti panagreggaay ti daga iti Budhi Gandaki River idi Domingo, Oktubre 11, 2026.
Dinalapus ken inyanud ti flash flood ti agarup 12 a babbalay ken dua a hanging bridge, bayat a nadadael ti maysa a rangtay iti highway a nangapektar iti maysa a hydroelectric project camp.
Sigun kadagiti otoridad, dua a babae ken tallo a lalaki ti saan a makontak, bayat a 49 nga indibidual, pakairamanan ti maysa a gangganaet ti naispal.
Agtultuloy ti rescue operations ken panagwanawan dagiti otoridad iti sitwasyon.
Awan paylaeng ti nailista a pimmusay iti nasao nga insidente.
