Inlaksid ti pagilian a Nepal ti tulong nga idiaydiaya dagiti sumagmamano a pagilian a search-and-rescue teams kasaruno ti napasamak a flash flood.
Sigun iti Nepal, saanda a kasapulan ti tulong dagiti dadduma pagilian para iti search and rescue missions.
Pinasingkedan ti foreign ministry sadiay Seoul, Korea nga adda dagiti South Korean rapid response team sadiay Kathmandu ngem saanda paylaeng a na-deploy gapu iti panagkedked ti Nepali government.
Inyunay-unay ti Nepal a kabaelan ti bukodda a pwersa ti panag-rescue ken umdas ti kapasidad ti Nepal Army, police ken security agencies dagitoy.
Kabayatanna, kiniddaw ti pagilian nga India, China, United States, Britain, Japan, South Korea, Sri Lanka ken Bangladesh a palubusanen ti gobierno ti Nepal a tumulong iti operasyon dagiti search-and-rescue teams dagitoy.
