Ngimmato iti 547 ti bilang dagiti kompirmado a pimmusay iti napasamak a flash floods sadiay Nepal.
Agtultuloy ti search operation nga isaysayangkat ti China ken Nepal para iti pannakabiruk dagiti agarup 1,000 a mapukpukaw.
Sigun iti Red Cross, posible a dumanon iti nasurok 90,000 a tattao ti apektado.
Maipalagip a dinalapus ti flash flood ti maysa a komunidad kalpasan nga induron ti natnag a glacier ti naurnong a danum iti maysa a lake iti nagbeddengan ti Nepal ken China.
Nangitunda daytoy iti pannakaiyanud, ipupusay dagiti ginasgasut ken pannakapukaw dagiti rinnibu a residente, turista ken dadduma pay.
Malaksid iti dayta, nadadael metlaeng ti power stations, kalsada ken rangtay.
Maibibilang metten ti nasao nga insidente kadagiti deadliest disaster a nasamak sadiay pagilian a Nepal.
