Iggem itan iti Bureau of Customs (BOC) dagiti 12 a Discaya-Linked Luxury Vehicles kasaruno ti naipatungpal a search operation idi laeng kalman.
Karaman iti daytoy dagiti nadakamat ni Sarah Discaya a luxury cars nga agbalor iti minilmilyon a piso kas iti Mercedes Benz, Maserati, Rolls Royce, Bentley, Cadillac Escalade, Yukon Denali, Lincoln Navigator,ken Toyota.
Amin dagiti 12 a lugan ket selyado itan iti Bureau of Customs ken banbantayan daytoy dagiti personnel da ken dagiti kameng iti Philippine Coast Guard (PCG).
Kasaruno dayta, manamnama a maberipikar ti importation records dagitoy nu nagtulnog metlaeng iti customs laws.
Iti kanito nga adda maduktalan na discrepancies,impanamnama iti nasao nga opisina a mangipatungpalda iti kaskenan a tignay maitunos iti Customs Modernization and Tariff Act (CMTA).
