Padigan, Abra- Nakemmeg ti 12 a lallaki nga addaan iti 12 a paltog babaen kadagiti kameng ti Abra PPO idiay Barangay Laskig, Pidigan, Abra idi kalman.
Maibasar iti report, nasabat dagiti pulis dagiti lallaki nga agsusupiat iti igid ti kalsada.
Maysa kadagiti anggulo a kitkitaen dagiti kameng ti pulisia ket paset ti armado a grupo dagiti suspek.
Sigun kenni Lt. Col. Daniel Pel-ey, Abra Police PIO, ti insidente ket makapaalarma.
Iti nagsina nga insidente idiay Bangued, Abra, dua nga indibidual ti natiliw gapu iti mapapati a vote-selling.
Naduktalan nga addaan dagitoy iti P5,000 ken maysa nga item nga addaan ti line up ti maysa a partido politikal.
Sigun iti suspek, imbaon laeng isuna ti “uncle” daytoy nga alaen ti para kenkuana gaputa saan isuna a makaapan idiay Bangued.
Iti sabali pay a suspek, kinunana nga inalana ti kuarta para iti asawana, nga agkasapulan ti agas gapu iti sakitna.
Maibasar iti datos ti Abra, adda ti 31 a nairekord a shooting incidents manipud iti panangrugi ti election period idi Enero 12 agingga iti Mayo 11, 2025.
Karaman ti 6 election-related incidents, 21 deaths, 8 cases filed, 8 cases filed, ken 31 confiscated firearms.
Ti Abra ti maysa kadagiti probinsia iti pagilian nga addaan iti pakasaritaan ti bayolente bayat ti eleksion, isut rason a nainget ti seguridad iti nasao a lugar.
