Natalged dagiti 123 a minero kalpasan a nargaay ti paset ti bantay a pag-us-usukan dagitoy idiay Camp 1, Acupan, Virac, Itogon, itay agsapa, Nobyembre 26.
Sigun kenni Itogon Mayor Bernard Waclin, 89 a minero ti dagus a nakaruar iti pagminasan kalpasan nga adda ti nangipakaammo kadakuada.
Naudi met a nakaruar dagiti 34 pay a minero ngem natalged dagitoy.
Iti interview ti Bombo Radyo kadagiti minero, awan ti nargaay iti uneg ti bantay a pagminminasan dagitoy nu sadino napasamak ti panagreggaay iti rabaw.
Agarup sangapulo met a kayo ti natumba gapu iti panagreggaay, natamaan iti natumba a kayo ti maysa a balay ngem awan met ti nadangran.
Sigun met kenni Itogon Mayor Bernard Waclin, ti panagreggaay ket gapu iti limmukay a daga nga intunda ti masansan a panagtudo itay kallabes.
Impetteng met ni Mayor Waclin a maiparit paylaeng ti umuneg iti nasao a pagminasan agingga nga awan ti pammalubos dagiti otoridad.
Innayon pay ni Mayor Waclin nga maiparit pay lang ti umuneg ti nasao a pagminasan agingga awan pay ti abiso dagiti maseknan nga otoridad.
