BAGUIO CITY – Nakipaset ti 123 barangays iti earthquake drill a maipatpatungpal tunggal tawen iti siudad ti Baguio.
Iti interview ti Bombo Radyo kenni Councilor Rocky Aliping, Presidente ti Association of Barangay Councils – Baguio, kanya-kanya ti partisipasyon ti tunggal barangay a buklen ti barangay facilities, employees, constituents kas panagsagana iti saan a manamnama a didigra.
Impettengna a rumbeng a maamwan dagiti amin a lugar ken tattao ti information education campaign seknan iti panangmitigate iti kellaat a didigra kas iti ginggined.
Innayon ni Aliping a nasken a nabigbigen dagiti barangay ti evacuation center kas iti public buildings wenno public places.
Iti sabali a bangir, agarup 40% a barangay ti addaan ti ideal barangay hall ken multi-purpose covered courtna iti siudad.
Sigun kenni Aliping, kangrunaan a problema ti kaawan iti nasao a pasdek ket gapu iti lokasyon, agkurkurang ti daga wenno identified barangay needs.
