Dumanunen iti 14 lokal a gobierno ti nangideklara iti state of calamity kalpasan ti magnitude 7.8 a ginggined a nangdayyeg idiay Mindanao idi Hunyo 8, 2026.
Sigun iti Office of Civil Defense (OCD), karaman kadagiti apektado a lugar ti Davao Occidental, Sarangani, ken South Cotabato.
Gagu iti pannakaideklara ti state of calamity, naparpartak ti proseso ti pannakaipaay ti relief goods ken dadduma a kasapulan para iti dagus a pannakaipaay ti tulong.
Inlawlawag ti OCD nga ipatungpalda ti price freeze kadagiti kangrunaan a gagatangen kadagiti apektado a lugar.
Maibasar iti kaudian a datos manipud iti National Disaster Risk Reduction and Management Council (NDRRMC), nasurok 176,000 a pamilia wenno nasurok 736,000 nga indibidual ti naapektaran iti ginggined.
Dimmanon metten iti 65 ti bilang dagiti pimmusay, idinto a nasurok 57,000 a balbalay ti nadadael.
