--Ads--
Mannarimaan ita ti panangberipikar ti Office of the Civil Defense (OCD) kadagiti naireport iti opisinada a 14 a pimmusay ken pito a mapukpukaw gapu iti napasamaka a 7.8 Magnitude a gingined idiay Mindanao itay agsapa.
Sigun kenni OCD spokesperson Junie Castillo, ti nasao a datos ket iberipikarda paylaeng manipud iti DepEd Missing Cluster.
Sigun pay iti datos ti nasao nga ahensya, agarup 10,000 a pamilya ti naapektaran gapu iti nasao a gingined.
Iti agdama, mannarimaan pay laeng ti maisaysayangkat nga assessments ken rescue operations dagiti maseknan nga ahensya kadagiti nagduduma a rehiyon a naapektaran iti panagdayeg ti nasao a gingined. //bombokaren.c.sapirao
