--Ads--
Kinumpirmar ni PSA Assistant National Statistician Marizza Grande a 1,685 a nagan kadagiti 2,669 a listaan dagiti maatap nga immawat iti confidential funds ti OVP ken DepEd ket awan iti record ti PSA.
Naduktalan metlaeng iti beripikasyon a 37 a nagan ti maitunos iti listaan dagiti immawat ngem dagitoy ket addaan iti death records.
Iti nasao a bilang, dumanon iti 25 ti menor de edad, agraman dagiti maladaga nga agtawen pay laeng iti maysa, idinto a ti kaubingan a nagan iti listaan ket dua ti bulanna a pimmusay idi paylaeng 1965.
Iti 1,992 a nagan manipud iti listaan ti OVP, dumanon iti 1,287 ti awanan iti civil registry records.
