Imbutaktak ni House prosecution spokesperson ken Lanao del Sur Rep. Zia Alonto Adiong a naiwaras ti Acknowledgment receipts (ARs) a mangsaklaw iti 300 a confidential fund transactions ni Vice President Sara Duterte iti las-ud ti maysa laeng nga aldaw.
Sigun kenni Adiong, dakkel a damag daytoy maipapan iti pakabigbigan dagiti nakaawat iti pondo.
Impeksa ni Adiong a ditoy a makita a saan laeng a ti ARs ti saan nga agtunos iti PSA, no di ket karaman metlaeng ti edad dagiti nakaawat.
Innayon ni Adiong nga adda ti acknowledgment receipts nga inawat ti maysa nga indibidual iti namindua a daras iti maysa nga aldaw.
May-maysa metlaeng nga aldaw a naiwaras ti pondo iti 300 a lugar iti nagduduma a paset ti pagilian.
Iti sidong ti Article 1 ti impeachment complaint, naakusaran ni VP Duterte a nakaaramid kadagiti impeachable offenses babaen ti systematic misappropriation ken irregular liquidation ti confidential funds, pakairamanan ti P500 million a pondo ti Office of the Vice President (OVP) ken P112.5 million iti Department of Education (DepEd).
