Dumanon iti 17 a Pilipino ti adda paylaeng iti police station idiay Qatar kalpasan a naarestar dagitoy gapu iti pannangisayangkatda iti “unauthorized political demonstration”.
Sigun kenni Department of Foreign Affairs Undersecretary Eduardo de Vega, nangisayangkat dagiti Pilipino iti rally iti nasao a pagilian.
Gapu iti dayta, nagpalagip manen ni de Vega kadagiti amin a Pilipino a raemenda ti local Laws ken customs seknan iti mass demonstrations kasta met ti pannangipeksada iti political grievances dagitoy.
Inyunay-unayna nga amin a kita ti political rally ket maiparit sadiay Qatar.
Kabayatanna, kinuna ni de Vega a ti naisayangkat a rally ket posible nga adda ti pakainaiganna iti pannakaaresto ni sigud a presidente Rodrigo Duterte.
Iti agdama, naipatuloden ti opisial sadiay ken manarimaan metten ti koordinasion ken monitoring dagitoy kadagiti naarestar a Pilipino.
