BAGUIO CITY – Pimmusay ti maysa nga estudyante iti motorcycle crash sadiay Sitio Dagawe, Poblacion, Paracelis itay alas dose kwarentay singko ti parbangon.
Ti biktima ket agtawen ti 17, residente ti Sitio Gayang, Poblacion, Paracelis.
Inkagumaan dagiti responders nga ispalen ti biktima babaen iti first aid.
Naitaray daytoy iti Paracelis District Hospital ngem naideklara a dead on arrival.
Impeksa met ti Mountain Province Police Provincial Office ti panagladingetda gapu kadagiti nagsasaruno nga aksidente iti kalkalsada.
Kiniddaw met dagiti otoridad ti pannakaawat dagiti biyaheros ken motorista nu agbalinda nga istrikto a mangiyemplementar kadagiti safety precautions ken preventive measures gaputa para metlaeng daytoy iti seguridad ti amin.//Cara Sacyaten
