Kinumpirmar ti Office of Civil Defense (OCD) a dumanon iti 173,000 a pamilya ti naapektaran iti magnitude 7.8 a ginggined idiay Southern Mindanao idi June 08, 2026.
Maibasar iti kaudian a datos, dumanon iti 61 dagiti pimmusay iti Region 12 ken 11.
Malaksid iti dayta, ngimmato iti 1,403 dagiti nadangran manipud iti Region 12, Region 11 ken iti Bangsamoro Autonomous Region in Muslim Mindanao (BARMM).
Dumanon iti 40 a tattao ti mapukpukaw no sadino, 22 iti Region 11 ken 18 iti Region 12.
Kabayatanna, dumanon iti 5,2000 nga afteshock ti napasaran iti nagduduma a paset ti nasao a lugar.
Addaan daytoy ti kapigsa a Magnitude 1.2 agingga iti Magnitude 6.4.
Iti nasao a bilang, 1,307 dagiti plotted bayat a 76 dagiti narikna.
Iti agdama, agtaltalinaed nga State of Calamity ti 13 a munisipyo ken siudad sadiay Mindanao.
Sigun iti Department of Energy (DOE), naisubli ti suplay ti koriente kadagiti ospital nga apektado iti nasao a ginggined.
