Inwaragawag ni Speaker Faustino Dy III a bayadan ti House of Representatives ti medikal a gastos dagiti amin a tattao a nasugatan, gapu iti ginggined idiay Mindanao.
Inlatang ti Kamara ti P9.25 million a tulong para kadagiti biktima.
Sigun kenni Assistant Minority Leader Chel Diokno, nagtaud ti nasao a tulong kadagiti 139 a mammanday-linteg, agraman dagiti House prosecutors iti impeachment trial ni Vice President Sara Duterte.
Innayonna a daytoy ti pakakitaan a saan a nalipatan dagiti mammanday-linteg ti pagrebbenganda a tumulong kadagiti biktima ti ginggined idiay Mindanao.
Kabayatanna, impasigurado ni Speaker Dy III kadagiti apektado a pamilia a maipaay ti kanayonan a tulong tapno matulongan dagiti komunidad a makabangon manipud iti nasao a didigra.
