Dumanunen iti 40 ti bilang dagiti pimmusay iti magnitude 7.8 a ginggined idiay Sarangani Province idi Lunes, June 08, 2026.
Maibasar iti kaudian a datos ti Office of the Civel Defense (OCD), uppat a tattao ti mapukpukaw bayat nga agarup 450 dagiti nasugatan.
Sigun iti OCD, karaman kadagiti nakaru a naapektaran ti General Santos City, Sarangani, ken South Cotabato.
Adu metlaeng a pamilya ti nagbakwit gapu iti pannakadadael ti pagtaengan dagitoy.
Kabayatanna, agarup P562.8 million ti mapattapatta a danyos ti nadadael nga imprastraktura idiay Davao Region ken SOCCSKSARGEN.
Sigun kadagiti otoridad, agtultuloy paylaeng ti aftershock a mapasasaran sadiay.
Iti agdama, agtultuloy ti search, rescue ken retrieval operations tapno matulungan ken mabirukan dagiti mapukpukaw.
Naiwaras metlaeng ti agarup 2,700 a personnels ti Armed Forces of the Philippines, Philippine National Police ken Bureau of Fire Protection kadagiti apektado a lugar.
