Inwaragawag ni Atty. Levito Baligod a situtulokda latta nga agatendar kadagiti panagdengngeg ti Senate Blue Ribbon kalpasan iti panagsukat ti liderato idia Senado.
Maipalagip a saan dagitoy a nagatendar iti consultative meeting nga indaulon ni Senator Erwin Tulfo idi Hunyo 8 uray adda dagitoy iti senate premises partikular iti opisina ni Senator Robin Padilla.
Sigun kenni Atty. Baligod, saan dagitoy a napakaammuan seknan iti nasao a meeting ken dinakamatna a binagaanda dagitoy a saanda a kasapulan nga agatendar iti nasao a panagdengngeg.
“Kaya nung sinabihan ako na you need not attend, nag-presscon kami sa office ni Senator Padilla. Pero pagkatapos ng presscon na nalaman ko na nandoon pa rin sila. Sabi ko, pupunta na lang kami sa session hall. Pag punta namin eh biglang inadjourn,” sigun kenni Baligod.
Nupay kasta, apaman a nadamag nu agatendar dagitoy kadagiti panagdengngeg ti Blue Ribbon Committee iti masakbayan, dinakamat ni Atty. Baligod a situtulokda met a makipaset kadagitoy. //bombokaren.c.sapirao
