Impaulog itan ti Makati City Regional Trial Court Branch 148 ti warrant of arrest kontra kenni Atty. Levito Baligod gapu iti dua kasona a cyberlibel.
Nairekomendar kenni Baligod nga agbayad iti P20,000 a piyansa para iti tunggal bilang ti kasona a cyberl libel.
Sigun kenni Baligod, naawatna ti kopya ti warrant of arrest ngem inkalintenganna a saan a naipaayan iti gundaway nga agpammalawag.
Sigun pay kenkuana, kamali ti naipaay nga address kabayatan ti imbestigasyon isu’t gapuna a saan a naawat ti subpoena ken saan a nakaisubmitir iti counter-affidavit daytoy.
Maipalagip nga impila ni Agriculture Sec. Francisco Tiu Laurel Jr. ti kaso kontra kenni Baligod kalpasan nga inakosaranna a nakaawat daytoy iti kickback manipud iti naanomalyaan a flood control projects.
Agserserbi ni Baligod a counsel dagiti 18 a nagpaam-ammo kas bodyguard ni sigud a Congressman Zaldy Co nga iti agdama ket at large gapu iti kaso a sangsangwenna iti pagilian.
