--Ads--
Impakaammo ti Department of Migrant Workers (DMW) a natalged a nakasangpet ti agarup 187 nga overseas Filipino Workers (OFWs) manipud Lebanon ken Kuwait iti tenga ti mapaspasamak a gubat idiay Middle East.
Sangapulo manipud Lebanon ti simmangpet iti Ninoy Aquino International Airport (NAIA) Terminal 3 babaen iti Turkiye.
Impakaammo ti nasao nga ahensiya a manamnama met a sumaruno a sumangpet ti baro a batch a pakabukan ti 245 OFWs manipud Bahrain paturong Dammam, Saudi Arabia no sadino nangsaganan ti Department of Migrant Workers ti aramatenda a ticket paawid iti pagilian a Pilipinas. //bombokaren.c.s
