--Ads--
BAGUIO CITY – Nakemmeg ti dua a lalaki iti buy-bust operation nga insayangkat dagiti otoridad sadiay Cresencia Village, Baguio City idi kalman.
Nabigbig dagitoy a da Mark Gachon Valera, 34-anyos, construction worker ken ni Jabbar ‘Mike’ Saicon, 44-anyos, vendor ken agpadada a naasawaan ken residente ti Purok 8, Sampaguita, San Luis, Baguio City.
Nakumpiskar kadagitoy ti dua a pakete ti mapapati a shabu nga agdagsen ti agarup lima a gramo ken ti cellphone ken kwarta a naaramat iti transaksion.
Sumangsango ita dagiti dua iti kaso a panaglabsing iti RA 9165 wenno ti Comprehensive Dangerous Drugs Act of 2002. (with Bombo Charles Nikko Limon)
