Nagdesisyon ti International Criminal Court (ICC) Trial Chamber III a pagtalianeden ni sigud a President Rodrigo Duterte iti detention center.
Maibasar pay iti nagbalin a desisyon ti nasao a korte, impettengda a pagdesisyonanda pay laeng dagiti dadduma nga issue kas iti salun-at ti sigud a President kalpasan iti kiddaw ti depensa iti kanayunan a medical certainty bayat iti panangkwestionda iti panel report dagiti expert panels.
Iti kaleplepas nga status conference idi kalman, kinidaw ti ICC Office of the Prosecutor iti Trial Chamber III nga ibilinda ti agtultuloy a pannakadetene ni sigud a President Duterte no sadino impettengna a napateg daytoy tapno saan daytoy a makaimpluwensya kadagiti agtestigo.
Impetteng met ni Acting Prosecutor Mame Mandiaye Niang nga awan ti agbaliw iti sitwasyon ita ti sigud a presidente.
Naimatangan met ti presensya ni Duterte iti umuna manen a gundaway iti nasao a korte para iti status conference iti sangsangwenna a kaso a crimes against humanity.
