Nakemmeg dagiti otoridad ti dua a pugante a Taiwanese a mapapati a dadaulo ti maysa a criminal syndicate iti ballasiw-taaw iti Ninoy Aquino International Airport.
Sigun kenni Bureau of Immigration Fugitive Search Unit chief Rendel Sy, ti bunggoyda ket maaw-awagan a ‘Bamboo Triad,’ maysa a notorious a bunggoy idiay Taiwan nu sadinno ket karamanda iti drug smuggling iti nagduduma a lugar iti Asya.
Maibasar iti report, adda ti imbaonda a kameng ti nasao a bunggoy a mangpapatay iti maysa nga indibidual idiay Japan nu sadinno ket napapatayda daytoy.
Kabayatanna, nakumpiskar dagiti otoridad manipod kadagiti suspek ti dua a peke a Philippine driver’s license.
Posible a nakastrek dagitoy iti Pilipinas nga iligal babaen ti backchannels.
Iti agdama, ad-adalen dagiti opisial ti Bureau of Immigration iti posible a “criminal activities ” dagiti pugante a Taiwanese bayat nga adda dagitoy iti Pilipinas sakbay a maisubli dagitoy iti nagtaudanda a pagilian.
Dagiti suspek ket nakabalud iti detention facility ti Bureau of Immigration idiay Bicutan, Taguig City.
