--Ads--
BAGUIO CITY – Nakemmeg ti dua a drug personalities a maibilbilang a high value individual iti buy-bust operation a naipatungpal sadiay Betag, La Trinidad Benguet itay laeng nabiit.
Nabigbig dagitoy a da Denver Madino Caasi alyas Tumba, 30-anyos, driver, tubo ti Mankayan, Benguet ken residente ti Lubas, La Trinidad, Benguet ken ni Pedro Malidom Toma-ag, 31-anyos, tubo ti Sagada, Mountain Province ken residente ti Pines Park, Balili, La Trinidad, Benguet.
Nakumpiskar kadagitoy ti dua a pakete ti maatap a shabu nga agdagsen ti 0.58 grams.
Iti agdama, sumangsangon dagitoy iti kaso a panaglabsing iti Comprehensive Dangerous Drugs Act of 2002.
