BAGUIO CITY – Nakemmeg ti dua nga indibidual gapu iti panaglabsingda iti Presidential Decree 705 wenno ti Revised Forestry Code of the Philippines sadiay Purok 2, Pinsao Proper, Baguio City.
Nabigbig dagitoy a da Alexander Maniego, 598-anyos, construction worker, tubo ti Santa Mesa, Manila ken residente ti New Lucban, Baguio City ken ni Roel Beronis, 59-anyos, laborer, tubo ti Tacloban, Leyte ken residente ti Sariling Sikap, San Carlos Heights, Baguio City.
Sigun iti pulisya, nagresponde dagiti personnel ti Station 2 ti Baguio City Police Office kalpasan a nakaawatda iti report seknan iti iligal a panagpukan ti kayo.
Naaktuwan met dagiti nagresponde a pulis ti panangpukan dagiti nasao nga indibidual iti maysa a Norwegian Tree nga addaan kangato a 7.9 meters ken kalawa a 27 diameters.
Naipaima met dagiti ebidensia iti DENR para iti imbentaryo.
