--Ads--
BAGUIO CITY – Nakumpiskar dagiti otoridad ti 20 a kilo ti nadadael a karne iti maysa a pagtagilakuan sadiay La Trinidad, Benguet idi laeng nabiit.
Nakumpiskar dagiti nasao a karne kalpasan a naduktalan nga awanan dagitoy iti kaskenan a lisensia.
Indauloan ni La Trinidad Municipal Environment and Natural Resources Officer Arthur Pedro ti operasion babaen ti panakibinnadang ti La Trinidad Municipal Station, National Meat Inspection Service-Cordillera ken dadduma a maseknan nga ahensia.
Naiturong dagiti nasao a karne iti kustudiya ti La Trinidad Municipal Police Station para iti dokumentasion ken umno a disposisyon.
