![](https://img.bomboradyo.com/baguio/2020/02/lacson-honasan.jpg)
BAGUIO CITY – Idauluan ti ag-mistah a da Senator Panfilo ‘Ping’ Lacson Sr. ken DICT Secretary Gregorio ‘Gringo’ Honasan II dagiti 12 a cavaliers a recipients ti 2020 PMA Cavalier Award.
Iti panakiyuman ti Bombo Radyo kenni Capt. Cheryl Tindog, panakangiwat ti PMA, kinunana a maawat dagiti recipients ti nasao a pammadayaw kagiddan ti maangay a PMA Alumni Homecoming inton Sabado.
Kinunana a makadwa da Lacson ken Honasan manipud Class 1971 ni Antipolo 2nd District Representative Romeo Acop manipud Class 1970 iti Cavalier Award iti sektor ti Public Administration.
Dinakamatna a recipients metlaeng iti 2020 PMA Cavalier Award dagiti alumni a da Cavalier Ariston Delos Reyes manipud Class 1971 iti Alumni Affairs, Cavalier Bernardo Fabula manipud Class 1985 iti Private Enterprise, Cavalier Lyndon Cubos manipud Class 1986 iti Staff Functions ken ni Cavalier Franco Nemesio Gacal manipud Class 1988 iti Command and Administration.
Innayonna karaman pay kadagiti awardees da Cavalier Joselito Esquivel Jr. manipud Class 1988 iti Police Operations, Cavalier Charlie Rances manipud Class 1993 iti Coast Guard Operations, Cavalier Perfecto Magalong Jr. manipud Class 1995 iti Air Operations, Cavalier Rowan Rimas manipud Class 2001 iti Naval Operations ken ni Cavalier Mark Anthony Ruby manipud Class 2003 iti Army Operations.
Ti PMA Cavalier Award ti kangatuan a pammigbig nga ipapaay ti akademya kadagiti alumnus ken alumna daytoy nga addaan outstanding achievements iti ayanda ita a propesyon.
Kabayatanna, agserbi met a host class iti 2020 PMA Alumni Homecoming ti Class 1960 wenno dagiti diamond jubilarians, ti Class 1970 wenno dagiti golden jubilarians, ti Class 1995 wenno dagiti silver jubilarians ken makadwada dagiti Class 2000, 2005, 2010 ken 2015.