Manarimaan ita ti Baguio-Benguet Educational Athletic League (BBEAL), maangay intun May 2, 2025 ti Semi-Final bayat nga intun May 3 agingga 4 ti Championships.
Maangay intun May 1, 2025 ti Arnis ken Judo idiay UC gym; Taekwondo idiay UB Gym bayat a maangay intun May 3 ket 4 ti Athletics, Tennis iti Benguet Sport Complex; Football idiay BSU Ground, Softball events idiay PMA Ground ken Swimming idiay Baguio swimming pool.
Iti interview iti Bombo Radyo kenni Dr. Danny Cong-o, spokesperson iti Baguio-Benguet Educational Athletic League, kinunana a nakipartisipar dagiti kaaduan a pagadalan a miembro iti BBEAL.
In-inut met a makiparpatisipar dagiti dadduma a pagadalan kas iti UP – Baguio Football team ken Baguio College of Technology (BCT).
Sigun kenni Cong-o, mangnamnama daytoy a pakipaset amin dagiti pagadalan a miembro iti BBEAL.
Inkari met ni Cong-o nga aramidenda ti kabaelanda tapno maipatungpal ti BBEAL a kas kadagiti dadduma nga Sports events.
Gapu iti dayta, kidkiddawenna ti suporta dagiti media ken dadduma pay nga ahensia a situtulok nga agisponsor para iti pagsayaatan ti nasao nga event.
Kabayatanna, inaklon ti nasao nga opisial nga agserserbi kas grassroot ti BBEAL kadagiti atleta isu’t gapuna a maawanan dagitoy iti atleta.
Nupay kasta, impeksana a daytoy ti maysa a panggep ti nasao nga sport program isu’t gapuna a saanda a pawilan dagiti atleta iti kanito nga adda dagiti oportunidad kadagitoy.//mp4
