--Ads--
Saan a bumaba iti 23 a Cambodian ti nadangran iti napasamak nga engkwentro iti nagbaetan dagitoy ken dagiti Thai police.
Kabayatan ti engkwentro, nagpabettak dagiti kapulisan manipod Thailand iti tear gas ken rubber bullets kadagiti sibilyan manipod Cambodia.
Napasamak daytoy iti mapagsusupiatan a disso iti nagdebbengan dagiti dua a pagilian.
Sigun kadagiti otoridad iti agsinnumbanger a benneg, ti napasamak nga engkwentro ti kakarwan sipud naideklara ti ceasefire iti nagbaetan dagitoy idi July kasaruno metlaeng ti napasamak a five-day conflict.
Ti nakapasamakan ti engkwentro ket ti disso nga agpada a tagtagikua-en iti Cambodia ken ti Thailand.
