Nakaruaren iti Philippine National Police (PNP)General Hospital ni sigud a Department of Public Works and Highways (DPWH) Secretary Manuel Bonoan.
Immunan a kinumpirmar ti PNP nga adan daytoy iti nasalun-at a kondisyon ken nasimbeng a panagpanunot.
Nakaruar ti sigud nga opisyal kalpasan nga ipaayan daytoy ti clearance ti doktorna a mabalinen daytoy a madischarge.
Maipalagip a kalpasan a mairuwar ti warrant of arrest datoy manipud Sandiganbayan gapu iti kaso a plunder, kilalaat a ngimmato ti blood pressure daytoy, rason tapno maipan daytoy idiay PNP General Hospital.
Pasado ala-una metten ti malem itay laeng iti nakaruwar ni Bonoan iti pagagasan.
Nagturong metten daytoy idiay Sandiganbayan para iti return of warrant ken arraignment iti kaso a sangsangwenda kenni Senator Jinggoy Estrada .//bombokaren.c.sapirao
