--Ads--
BAGUIO CITY – Sumangsango ita iti kaso a panaglabsing iti Section 5 wenno “Acts constituting attempted, frustrated or consummated parricide or murder or homicide” ti Republic Act 9262 wenno Violence Against Women and their Children ti 23-anyos a lalaki, estudyante ken residente ti #167 Purok Magsaysay, Loakan, Proper, Baguio City.
Nakemmeg ti suspek iti nagtinnulong a pwersa ti Police Station 8 ken Police Station 4 iti pagtaenganda iti nasao a lugar idi laeng kalman.
Narekomendaran ti suspek ti P120-K para iti temporaryo a pannakawaya-wayana.
Iti agdama ket imet ti Baguio City Police Station – Police Station 8 para iti dokumentasyon sakbay a maipaima iti maseknan a korte.
