LA TRINIDAD, BENGUET – Dumanon iti agarup 251 a personnel ti La trinidad Municipal police station (LTMPS) ti maiwaras para ti Semana Santa wenno Holy week.
Iti panakiuman ti Bombo Raydo kenni Pltcol Zacharias Caloy Dausen, Chief of police ti La Trinidad Municipal Police Station (LTMPS) saan pay a karaman ditoy dagiti nasuruk sangagasut nga interns ken dagiti volunteer groups.
Malaksid iti dayta, naka-standby metlaeng dagiti BFP ken MHO.
Sigun iti opisyal, nagtataripnong dagitoy kaduada dagiti personnel ti mayors office, Muncipal disaster risk reduction main office, municipal health office ken dadduma pay para ti preparasyon da ti holy week ken Summer Vacation.
Impeksa ni Dausen nga agimuntar dagitoy iti police assitance desk kadagiti amin a tourist spot, kalsada, places of convergence kas iti trade fair a silulukat agingga iti bulan ti Mayo.
Daytoy ket tapnu adda ti nakasagana nga umasitgan dagiti turista ken residente iti kanito nga adda ti pakaseknan dagitoy ken tapnu malapdan ti anya man nga insidente.
Iti sabali a bangir, naobserbaran ti nasao nga opisyal a limmukay ti gunay ti trapiko iti munisipyo ti La Trinidad kas epekto ti panangngato ti presyo ti petrolyo ken dadduma pay//via Bombo Noveh Organo
