Inaarestar dagiti operatiba ti maysa a lalaki nga agtawen iti 29, maysa nga instructor ken residente ti Upper Wangal, La Trinidad, Benguet gapu iti kaso nga statutory rape.
Ti nasao a suspek ket nailista kas Number 4 iti Top 10 Most Wanted Persons iti regional level, Number 3 iti city level, ken Number 5 iti station level iti maikapat a quarter ti tawen 2026.
Naarestar ti suspek babaen iti panagtitinnulong dagiti personnel ti Baguio City Police Office Police Station 6, Aringay Municipal Law Enforcement Team (MLET), Regional Intelligence Division-CAR (RID-CAR), Regional Anti-Cybercrime Unit-Baguio (RA-BAGUIO), 103rd Maneuver Company, ken Regional Mobile Force Battalion (RMFB) ti Police Regional Office 1.
Naipaulog ti warrant of arrest kontra iti suspek babaen iti Family Court, First Judicial Region, Branch 2, Baguio City, para iti kaso a statutory rape nga awanan iti rekomidasion a piyansa wenno non-bailable.
Iti agdama, addan iti kustodiya ti pulisya ti nasao a lalaki para iti umno a dokumentasion ken disposisyon.//Bombo Khey Reparip
