Nakemmeg ti maysa a babai, 26-anyos, ken residente ti Sto. Tomas Proper, Baguio City, gapu iti innem a bilang ti kaso daytoy a Qualified Theft.
Maibasar iti report, naipaulog ti warrant of arrest kontra iti nasao a babai babaen iti Regional Trial Court, First Judicial Region, Branch 62, iti La Trinidad, Benguet.
Narekomendaran iti P260,000 a piyansa para iti temporaryo a pannakawaya-waya daytoy.
Ti pannakatiliw ti suspek ket indaulwan ti Tuba Municipal Police Station kas lead unit, dagti operatiba ti Provincial Intelligence and Detection Management Unit (PIDMU), Police Intelligence Unit (PIU)-Benguet, ken 2nd Benguet Provincial Mobile Force Company (PMFC).
Naiproseso dagiti kasapulan a dokumento ken dagiti legal a pamay-an seknan iti kaso ti suspek kalpasan a naarestar daytoy.
Iti kaudian a report ti pulisya, temporaryo a nawaya-wayaan ti suspek kalpasan a nagpiyansa iti P110,000.//Bombo Khey Reparip
