--Ads--
BAGUIO CITY – Nalpasen ti pannakaiwaras ti tulong pinansial iti sidong ti Social Amelioration Program (SAP) iti tallo a munisipio ti Benguet.
Sigun ken ni Governor Melchor Diclas, nakalpas iti umuna a distribusion ti Bakun, Kibungan ken Tublay.
Kinunana a mapattapatta a 70 aginggat 80 a porsiento kadagiti puntiria a benepisario ti naipaayanen iti tulong pinansial.
Inlawlawag ti gobernador a maysa kadagiti parikot iti pannakaiwaras ti tulong pinansial ket ti kina-adayo ti pagnanaedan dagiti benepisario.
Kinunana pay a parikot met laeng ti pannakabigbig no asino dagiti pudpudno a maikari nga umawat iti tulong pinansiyal.
Maibasar iti listaan, puntiria a maipaayan iti tulong pinansial iti sidong ti SAP ti 71, 000 a pamilia sadiay Benguet.
