BAGUIO CITY – Boluntaryo a simmuko iti gobyerno ti tallo a kameng ti rebelde a grupo manipud Abra ken Ifugao idi napalabas a lawas.
Nagresulta iti panagsuko ti 54-anyos a mannalon manipud Ifugao ti serye ti dayalogo iti nagbaetanna ken dagiti maseknan nga ahensia ti gobyerno, pakairamanan dagiti pulis ken soldado.
Ti nasao a mannalon ket mabigbigbig iti awag a “Puhlek” a nakalista a maikalima iti Periodic Status Report on the Threat Group ti Cordillera Police ken daytoy pay ket militia ng bayan iti sidong ti Casimiro Binayon Command ti New People’s Army.
Iinsukona metlaeng ti maysa a caliber 357 a naglaon ti dua a bala.
Simmuko met sadiay Manabo ken Sallapadan, Abra ti dua a militia ng bayan a nabigbig iti alyas “Bonnie”, 63-anyos ken alyas “Warden”, 65-anyos.
Insuko pay ni alyas “Bonnie” ti maysa a home-made 12-gauge firearm.
Naituding nga agnumar dagiti tallo iti Enhanced Comprehensive Local Integration Program ti gobyerno ken ditoy a maipasidongda iti panagsanay ken iti umno a proseso tapnu maisaganada iti panagsublida iti komunidad malaksid pay iti maawatda a livelihood program ken tulong pinansial manipud iti gobyerno.
