--Ads--
BAGUIO CITY – Nakemmeg ti tallo nga indibidual gapu iti iligal a panagsugal sadiay Palma Ville, Puguis, La Trinidad, Benguet.
Nabigbig dagitoy a da Allan Garcia Besic, 35 anyos; Eugene Nabawil Sacay, 32 anyos; ken Rolito Belino Parao, 28 anyos, bin-ig a residente ti La Trinidad, Benguet.
Maibasar iti report, naaktuan dagiti otoridad ti panagay-ayam dagiti suspek iti Lucky 9 iti nasao a lugar a nagresulta iti pannakakemmeg ken pannakakumpiskar iti P2,600 a bet money wenno taya, braha ken dadduma pay a gambling paraphernalia.
Iti agdama, sumangsangon dagiti suspek iti kaso a panaglabsing iti Presidential Decree 1602.
