BAGUIO CITY – Naibalud ti tallo a lallaki kalpasan a nakemmeg dagitoy iti buy-bust operation nga insayangkat ti Philippine Drug Enforcement Agency – Cordillera sadiay Aurora Hill, siudad ti Baguio idi kalman.
Nabigbig dagitoy a da Clint Joseph Macachor, 28, tubo ti Metro Manila ken residente ti San Antonio, Aurora Hill, Baguio City; John Daryl Villanueva, 30, tubo ti Benguet ken residente ti Leonila Hill, Baguio City ken ni Joemar Cañaveral, 39, Hong Kong national, ken residente ti Asin Road, Baguio City.
Naala manipud kadakuada ti maysa a plastic sachet a naglaon ti maatap a shabu.
Nakumpiskar metlaeng kadagiti suspek ti maysa a nangisit a pouch a naglaon ti improvised tooter lighter ken maysa a plastic sachet a naglaon iti maatap a shabu, tallo ribo a pisos a boodle money ken dadduma pay.
