Dumanon iti 340 nga indibidual ti pormal a naawat kas baro a batch ti Philippine Military Academy.
Dagitoy a kadete ti mangbukel iti Philippine Military Class of 2029 no sadino 274 kadagitoy ket lallaki ken 66 ket babbai a nagtaud manipud kadagiti nagduduma a paset ti pagilian.
Dagiti baro a kadete ket dimmalan iti competitive selection process.
Manipud iti 37,295 nga aplikante, dumanon laeng iti 21,796 ti nagala iti competitive entrance examination ken 1,701 ti pimmasa iti nasao nga exam.
Kalpasanna, 340 ti pimmasa kadagiti physical ken medical screening process.
Sigun kenni Philippine Military Academy Superintendent Vice Admiral Caesar Bernard Valencia, dagiti baro a kadete ket mangipasimudaag a saan dagitoyen nga ordinaryo a citizens ti pagilian.
Dagiti kadete ket maipaayan ti ranggo kas Fourth Class Cadets ti Cadet Corps Armed of the Philippines ken dagitoy ket dumalan iti tallo a bulan a basic cadet ken military training sakbay a rugianda ti academic education dagitoy.
Manamnama met a dumalan dagiti kadete iti kaap-aprobar a Bachelor of Science in Management major in Security Studies curriculum a maipapan iti integration ti territorial defense ken modern warfare domains.
