Agladladingit ita ti pamilia ti 39-anyos a lalaki manipud idiay Alfonso Lista, Ifugao kalpasan a pimmusay daytoy gapu iti panangbagsol ti bayawna iti pagtaenganda.
Maibasar iti imbestigasion dagiti otoridad, napasamak ti insidente iti pasado alas onse ti rabii idi nanggeg dagiti agasawa ti pukkaw ti 51-ayos a bayawda iti ruar ti pagtaenganda idiay Barangay Dolowog.
Gapu iti dayta, niluktanda ti ridaw tapno sangwenda ti 51-anyos a suspek.
Nupay kasta, nagresulta daytoy iti nabara a panagsusupiat a nagresulta iti panagdinnanog dagiti agbayaw.
Kabayatan ti nabara panagdinnaog dagiti dua, mapapati a nangiruar ti 51-anyos iti kutsilio a nangbagsolna iti sumagmamano a daras iti biktima a ni Criston Dawadao Mongao.
Naitaray ni Mongao iti pagagasan, ngem naideklara metlang daytoy a dead on arrival babaen iti attending physician.
Iti agdama, agtultuloy ti panakaanup ti suspek ken ti imbestigasion dagiti otoridad iti motibo ti suspek.
