--Ads--
Agladladingit ti pagilian nga Estados Unidos gapu iti ipupusay ti 39th president dagitoy a ni Jimmy Carter iti edadna a sangagasut.
Ni Carter ti presidente ti Estados Unidos a kabayagan a nagbiag nu sadino daytoy ti kaunaan a presidente a nakadanon iti sangagasut a tawen idi Oktubre.
Pagaammo met ni Carter iti adbokasiyana para iti human rights ken demokrasya kasta met nga ado ti nagbalin a humanitarian workna a nakaalaanna iti pammadayaw a Nobel Peace winner.
Maipalagip a ti sigud a presidente ket nagserbi kas dadaulo ti Estados Unidos manipud tawen 1977 agingga 1981.
Kabayatanna, impeksa ni President Joe Biden ken First Lady Jill Biden nga iti ipupusay ni Carter ket isu met ti panakapukaw ti lubong iti maysa nga extraordinary a lider.
